第三年搞Robert仔,梗係要搞啲新意思啦,首先材料大upgrade今年會用牛肝菌,更加香口味更豐富,加上自家製無激素生酮臘肉,本地香港製造嘅無激素臘腸(有好少糖,但我真係太鍾意臘腸),當然唔少得瑤柱蝦米增加鮮味啦!
我今日拍咗片㗎!不過畀小小時間我剪,睇住食譜買定材料先希望聽日可以出片~ 食譜三年前就已經寫咗出嚟啦,呢排好多人問原來唔知道我已經出過,而家report畀你哋啦~
料A) 蘿蔔絲 450g 臘腸 30g 臘肉 30g 冬菇 2隻 （留15ml浸冬菇水） 虾米 10g （留15ml 浸虾米水） 瑤柱 10g （留15ml 浸瑤柱水) 蒜蓉一粒 乾蔥一粒 雞湯50ml 油一湯匙 鹽少許胡椒少許
料B) 椰子粉 1/3 杯 金亞麻子粉 1/8杯 車前子粉 4湯匙 蛋4隻
開中火燒熱落油，先將臘腸臘肉冬菇蝦米瑤柱乾蔥 炒香 （留起一些灑面裝飾用） 加入蘿蔔絲 略炒兩分鐘後放入蒜容丶冬菇蝦米水 及雞湯 煮至蘿蔔 轉色 色變透明 約三至五分鐘 可加鹽及胡椒調味 把b材料於一個鋼盆內混合， 把稍為放涼的A材料與B材料拌勻 蒸糕模搽上油分， 蘿蔔糕糊放進模內，加一張錫紙於蘿蔔糕上， 蓋上蓋蒸大約50~60分鐘 取出放涼 切片兩邊煎香食用。
有啲酮學喺另外個post表示想食又唔想整（ 想買），咁樣想統計一下 有幾多 同學會想買呢？ 留言話畀我聽啦~