終於整理好啦～
醬油方便我係用荃灣悅和醬園，佢哋嘅醬園係喺香港 生曬 冇落防腐劑添加劑同味精， 傳統 只會落 紹興酒又即係花雕酒，但係煮到最尾 酒味已經 散掉， 而且我減少咗酒量 到最尾 我自己 加少少玫瑰露因為 個酒味好香， 雖然傳統 北方菜唔會用玫瑰露，呢啲係南方野 來，只是個人喜好。
我用嘅係荷蘭挑骨 五花腩 簡稱“荷蘭腩"( 請用正確發音讀出） 我是訂餐廳用的貨出面應該比較難搵。 大家可以去肉檔或者凍肉舖買一大片 整片的五花腩。
生酮東坡肉
五花腩 1.5－2斤 紹興酒 100ml 醬油 100ml 水100-150ml (視乎醬油咸度） 赤藻糖醇 兩湯匙 青蔥 2-3根 切段 老薑 5吋 切片 蒜頭 3-4 粒 八角 2粒
做法： 白鑊開中火 把豬皮向下 略煎 此動作可以燒毛 以及令豬皮香一些 ，然後反面內略煎。 五花腩滾水氽燙10-15分鐘，冷卻後切成約5*5cm的正方形，用棉繩綁緊固定.（ 我做餐盒切一吋小件就不用綁 ，傳統方式 切一大舊正方形就需要綁） 把切好件的五花腩四面煎香， 留起備用。 爆香蒜頭，蔥段，薑片和八角，加入 水丶紹興酒 及醬油。 煮滾後 放入五花腩 （ 如水不夠請加至蓋過五花腩 ）開至大滾之後 轉小火 炆煮 兩小時 期間每20分鐘攪拌一下或反轉五花腩。 收汁後請試未如果 太鹹 可加一點點水 最後加入赤藻糖醇。 我個人會加少許麻油及 少許玫瑰露 這只是我個人口味( 我係上海客家混血兒大家唔好理我）
配上一碗椰菜花飯然後食！！！