• Elizabeth Lam

生酮紅酒燴牛尾

想食 fat 有好多方法嘅, 牛尾都有好多fat 㗎, 炆完牛尾,牛骨留起洗乾淨仲可以攞嚟煲骨湯添係唔係好環保呢~ 呢個菜式準備嘅時間唔長只係炆嘅時間比較長啫, 你亦都可以一次過炆多啲 放喺雪櫃慢慢食, 先兩邊煎香牛尾後再炒香菜最後加入茄粒茄膏 一齊炆煮, 埋尾再落少少紅酒增加風味。

有啲咩問題就留言問我啦~

(食譜👇👇👇)

生酮紅酒燴牛尾 牛尾 1kg 蕃茄三個 切粒 紅蘿蔔一條(小) 洋蔥一個 西芹兩條 茄膏兩湯匙 鹽丶黑椒 各少許 雜香草 一茶匙 蒜蓉一粒 紅酒1/3杯 水1/2杯 牛油 兩湯匙 赤藻糖醇一茶匙

1)牛尾先用鹽及黑椒調味 ,煎pan燒熱落油將牛尾兩邊煎香 後 夾起備用 2)同一個煎pan 炒 紅蘿蔔西芹洋蔥炒香之後把牛尾 放回, 3) 然後加入蕃茄粒 丶茄膏 丶蒜蓉丶少許黑椒及鹽以及雜香草調味 4)加入水拌勻後轉小火,給蓋炆兩小時, 平間每15分鐘 攪拌一次以免黐底以及觀察如果收水太快需要加水。 5) 最後十五分鐘加入紅酒 丶牛油,如需要可適量加一些鹽及加一點赤藻糖調味,視乎番茄味道。

Tips: 由於我用hrc鎖水煲所以幾乎唔需要加水 都得,如果用其他 煮食工具爐火大細 個個不同, 所以 炆煮期間有需要可以加水。

946 views0 comments

Recent Posts

See All